السلام عليكم ورحمة الله وبركاتة
اهلا ومرحبا بكم متابعينا ومتابعين مدونه ايجي جيك | EgyGeek في موضوع جديد علي المدونه
ما هو الفرق بين مصمم الويب ومطور الويب وايهما افضل ؟؟
الفرق بين الـWeb Designer والـWeb Developer
ان شاء الله في المقاله دي علي مدونة EgyGeek - ايجي جيك هحاول اوضح الفرق بين مصمم مواقع الويب ومطور مواقع الويب وايه هي اللغات اللي انت هتحتاجها عشان تكون سواء مصمم ويب او مطور ويب والمصمم دوره ايه والمطور دوره ايه و المرتبات بردو ومين افضل المصمم ام المطور.
ياريت لو تعرف حد مهتم بأحد هذه المجالات او لسه عاوز يبدا في مجال الويب ولسه مش عارف يحدد هل يبقي مصمم ( Designer ) او مطور ( Developer ) ياريت تعمل شير للمقال عنده عشان يعرف الفرق بينهم ويعرف يحدد هو هيختار ايه او هيكمل في ايه.
#_شير_في_الخير
[#] - في البدايه قبل ما نتكلم في اي حاجه لازم نوضح نقطه مهمه جدا جدا وهي موضوع المرتب والمصمم مرتبه اعلي ولا المطور مرتبه اعلي والكلام دا
احب اقولك انك لو داخل المجال سواء تصممي او تطوير المواقع عشان المرتب والفلوس فا ياريت متدخل احسن ومتتعبش نفسك وتروح تشوفلك اي شغلانه تانيه تكون بتجيب فلوس كتير
مش معني الكلام اللي انا بقوله دا ان تصميم او تطوير الويب مش بيكسب فلوس !!
لا طبعا مفيش اي وظيفه او مجال في الدنيا مش بتكسب فلوس بس لازم يكون هدفك هو العلم وحبك للمجال واهتمامك بيه وليس المال (Y)
لو حضرتك قريت المقال السابق بعنوان :
كيف تصبح #مليونير من تصميم وبرمجة المواقع الاليكترونيه.
رابط المقال : من هنا
ثانيا سواء المصمم او المطور فهما وجهان لعمله واحده بعمني ان المصمم والمطور بيكملو بعض ولا يوجد شخص افضل من الاخر بعمني اصح ان المصمم هو اللي بيصمم الموقع اما المطور هو اللي بيبرمج الموقع ويخليه متجاويب مع المستخدم من حيث ارسال وعرض البيانات من قاعدة البيانات والي اخره فلا يوجد شئ اسمه المطور افضل من المصمم او المصمم افضل من المطور.
-----------------------------------------------------------------
[#] - تعريف بسيط بكل من الـWeb Designer والـWeb Developer.
[+] - اولا الـWeb Designer.
هو الشخص المعروف باسم مصمم الويب او مصمم المواقع الاليكترونيه, هو شخص يملك لمسه ابداعيه وموهبه كبيره جدا في اختيار الالوان المناسبه والتنسيقات الجميله وايضا عنده موهبه كبيره جدا في الدخول لرأس العميل لكي يعرف رؤية العميل لموقعه وبعد ذلك يأخذ هذه الرؤيه ويحولها الي تصميم علي ورق او علي برنامج الـPhotoshop وايضا هناك بعض المصممين يقومون بدراسة التصوير الفوتوجرافي وتصميم الجرافيك والالوان وتصميم واجهات المستخدم لكي يقوم بتصميم موقع احترافي كالتحفه الفنيه لان كما هو معروف ان الصوره تختصر الكثير من الكلام فأول شئ سوف يراه الزائر الي موقعك هو التصميم والصور والالوان وما خلافه فيجب ان يكون المصمم شخص مبدع وموهوب.
- بعض البرامج التي يستخدمها المصم في مرحلة تصميم الموقع او تحول رؤية العميل الي تصميم.
- يجب علي المصم ان يكون لديه الخبره الكبيره في استخدام برنامج الـPhotoshop وايضا برنامج الـIllustrator لانهما وجهان لعمله واحده فكلا البرنامجين عند استخدامهما في التصميم يساعدان في اخراج تصميم الموقع كتحفه فنيه.
وايضا هناك الكثير من البرامج والمواقع التي يستخدمها مصمم المواقع في عمله ولكن ان نتكلم عنها في هذا المقال لان هذا المقال مجرد مدخل الي عالم الويب ومعرفة من هو مصمم الويب ومن هو مطور الويب وما هو الفرق بينهما.
ولكن هناك طبعا بعض المقالات القادمه المتميزه جدا سوف تقوم بتوجيهك الي الطريق الصحيح سواء اخترت ان تكون مصمم مواقع او مطور مواقع علي صفحة مدونة EgyGeek - ايجي جيك فتابعونا حتي لا تفوتكم هذه المقالات.
المقلات القادمة باذن الله هي :
1 - كيف تصبح Web Designer محترف.
2 - كيف تصبح Web Developer محترف.
-----------------------------------------------------------------
[+] - ثانيا الـWeb Developer.
هو الشخص المعروف ايضا بمطور الويب او مبرمج تطبيقات الويب وبما أن مصمم الويب يهتم بتصميم واجهة المواقع وتكويدها، فإن مطور الويب أو مبرمج تطبيقات الويب هو الذي يهتم ببرمجة الموقع وكيف سيعمل الموقع داخليا فالمطور والمصمم وجهان لعمله واحده ولكن المصمم علي خلاف المطور فاذا كان المصمم يقوم بتصمميم وتكويد الموقع فان المطور يقوم بكتابه الكود الذي يجعل الموقع ديناميكي فيجعل الموقع يتصل بقواعد البيانات ويتعامل معها فالمطور يهتم بعمل الموقع داخليا في ادخل واخراك البيانت الي قاعدة البيانات وهكذا
المطور يعتبر هو التقني الذي لديه المهاره في كتابه الكود سواء بلغة PHP او JAVA او C# او PYTHON ففي النهايه هو من يقوم بحل المشاكل التي تواجه عمل الموقع فهو يقوم ببرمجه عقل الموقع.
لن نتطرق في هذا المقال كما قلنا سابقا الي اي كورسات او دورات تجعل منك مصمم او مطور فكل هذا سيكون في المقالات القادمة باذن الله وهذا المقال يعتبر تعريف بالمصمم والمطور حتي تستطيع تحديد اي من المجالين تريد تعلمة
في النهايه حابب اقول ان اي مجال انت حبيت تبدا فيه لازم تكون جاد جدا في التعلم ومتضيعش وقتك في انك تتعلم اكثر من مجال في نفس الوقت عشان متشتتش نفسك
حاول تكون مركز علي مجال واحد وبعد كدا تقدر تتعلم اي حاجه تانيه بعد ما تخلص اللي بتتعلمه
حاول انك تتعلم من مصدر واحد بس حتي لو انت لقيت مصدر تاني ومتاكد ان و افضل من اللي انت بتتعلم منه استني لحد ما تخلص اللي انت بتتعلمه وبعد كدا خش اتعلم من المصدر التاني
#شير_في_الخير #عافر
#مصمم_ويب #مطور_ويب
#اتعلم #ملكش_حجه
EgyGeek - ايجي جيك
اذا اعجبك المقال واستفدت منه فلا تبخل علينا بعمل مشاركه للمقال ولايك لصفحتنا علي الفيس بوك واشتراك في قناتنا علي اليوتيوب ليصلك كل ما هو جديد من المدونه من مقالات وحلقات
ليست هناك تعليقات:
إرسال تعليق